Nokkurra daga blogg

Best að reyna að halda sér við efnið...

Jah! Það má segja að skólinn sé loks búinn. Var í síðasta prófinu í morgu og er að vona að ég hafi náð því í þetta skiptið. Það er skömm frá því að segja að ég hafi fallið í þessu til að byrja með þar sem ég þurfti ekki nema 2 á prófinu. Meira að segja ekki nema 1,75. En tókst engu að síður að klúðra því með 1,68. Ekki að grínast með þetta, fékk bara 1,68 og munaði 0,07 til að ná. Mér til huggunar var að meðaleinkunin var 2. Þetta var 30% lokapróf sem ég fór með 4 inn í og taldi þetta ekki geta klikkað. Við vorum 3 sem féllum og einn var veikur. Við vorum 2 úr mínum bekk en einn sem átti þetta eftir á 4. önninni og hann er líklega hættur í skólanum svo hann mætti ekki. Hinn sem féll í mínum bekk fór á fund kennarans sem fór yfir prófið með honum og hækkaði hann um 0,3 sem dugði. Ég hafði líka farið á fund en hann var alls ekki á að leifa mér að sleppa. Svo við vorum 2 í prófinu en hinn var búinn að ná kúrsinum fyrir prófið svo hann þurfti bara að mæta.
Kennara greiið var ákveðinn í að við skildum ná þessu núna svo hann kom tvisvar inn og skoðaði þetta hjá okkur (aðallega mér þar sem hinn er frekar vel gefinn) og leiðrétti þær villur sem hann sá og skrifaði niður þær jöfnur sem "okkur" vantaði (mér). Samt náði ég ekki nema 2 dæmum alveg og einum lið af nokkrum í tveim öðrum dæmum. Samanlagt voru þetta 5 dæmi. Mér reiknast til að fyrsta dæmið er allavega hálf rétt hjá mér eða meira sem eru þá 0,5-0,75 jafnvel 1,0 og annað dæmið 1,5 þar sem ég veit að það er rétt hjá mér svo ég ætti að vera búinn að ná. Svo bullaði ég tóma steypu í næstu dæmum sem ætti að geta lyft mér upp um kanski 1,0 í viðbót. Ég bara hlít að vera búinn að ná þessu. OSSO ALLIR Á BÆN!..

Í síðustu viku, það er á þriðjudag, byrjaði ég að vinna hjá fyrirtæki hér í bæ við vörumóttöku. Stend úti á palli og tek við vörum sem eiga að fara út á land, raða þessu á bretti og rúlla á bása eftir hvert draslið á að fara. Fallegur vinnustaður með rómatísku byrtuleysi, rökkvað með ryki, fallegu steypugólfi og metnaðarfullum samstarfsmönnum sem rölta um í heimspekilegum þönkum. Ég tel þetta einfaldlega of gott til að vera satt svo ég fór og sótti um aðra vinnu í dag og það er verið að skoða enn aðra fyrir mig annarsstaðar. Þarna eru menn ekki að velta sér uppúr einhverju þunglyndi. Menn eru held ég sokknir niður og komir út hinummegin. Þegar ég var farinn að spá í BM aftur, eftir 3 daga, datt mér í hug að kanski væri bara best að skoða sig betur um. Reyndar líkar mér illa að gefast upp svona snemma þar sem mér líður eins og ég sé að bregðast fólki með þessu. Ef ekkert annað býðst verð ég bara að bíta á jaxlinn og reyna að halda ógeðheilsunni á kantinum. Byrja að slefa og falla í hópinn.
Það bara væri næs að komast í vinnu sem óþjálfaðir simpansar eru ekki ofmenntaðir í. Reyndar verð ég líka eitthvað í flögrinu svona á kvöldin svo kanski það bjargi mér.
Ég veit að yfirmaður minn vill gjarnan halda í mig og leyfir mér að ráða hvaða stöðu ég tek þarna. Get farið að keyra, verið á næturvöktum, lyftara eða hvað sem er en þá er ég ekki með reglulegann vinnutíma sem kemur niður á kennslunni hjá mér.
Núna er ég með hjartað í sokkunum að safna krafti og kjarki til að mæta á morgun en ég er búinn að vera í fríi síðan á föstudag vegna prófsins í dag. Besta fríið mitt lengi.

Ég er að bíða eftir að mína tölur komi upp, það hlítur að styttast í það með hverjum degi sem líður. OSSO ALLIR Á BÆN!..

Nú skulu allir hugsa um eitthvað fallegt og horfa á alla fallegu hlutina í kringum sig. Ég ætla að fá mér kaffi og vindil.

SálarBerið.

Vrá kúl

Var næstun búinn að leifa mér að skrifa alls ógáðum....

Föstudagsblogg

Gleðin er tvíblendin, ef það er hægt.
Þetta er síðasti kennsludagurinn í vetur og ég nennti ekki að mæta. Lá á koddanum í morgun og las, fékk mér svo kaffi og slappaði af fram yfir hádegi. Já þetta er búinn að vera hálfgerður sunnudagur nema vegna þess að ég hef verið að taka til í dósasöfnunar haugnum mínum. Vel á 4. hundrað drykkjar ílát fóru í endurnýtingu. Þetta fjármagnar jammið í kvöld.
Það veldur mér vonbrigðum hversu fáir í bekknum ælta að láta sjá sig þegar Sjálfstæðisflokkurinn býður upp á fyllerí. Loksins að þessi blessaði flokkur gerir eitthvað fyrir mig. Líklega hella þeir alla fulla og þegar fólk vaknar á morgun verður það flokksbundið. Góð leið til að ná í nýliða. Reyndar gæti ég trúað að fleiri flokkar gerðu þetta ef þeir hefðu efni á meira en einni kippu í einu.
Það sem heillar mig mest við þetta jamm er að samkvæmt skráningunni í vísindaferðirnar sem farnar verða á undan, sem ég mæti ekki í, er meirihlutinn stelpur. Það er aldrei slæmt.
Þeir sem mig þekkja brosa líklega út í annað þar sem þeir vita að þó ég endi á eyðieyju með 200 kvennmönnum endaði ég líklega sem besti vinur þeirra allra og svo ég vitni í mynd sem ég sá um daginn: álíka mikil kynvera og lampi.

Ætli það sé ekki best að fara að koma sér í skapið og ná sér í smá öl fyrir helgina. Þarf að safna fleiri ílátum til að fjármagna fleiri partý í framtíðinni.

HnattBerið kveður að sinni.

Laugardagsblogg

Það telst til tíðinda að mér takist að vakna snemma. Meira að segja á skóladögum. Ég er einfaldlega ekki morgun maður. Í dag er laugardagur og ég fór á fætur klukkan átta, já ég fór á fætur klukkan 8 á laugardags morgni og tel það nógu fréttnæmt til að leifa heiminum að njóta þess með mér. (ekki að ég hafi haft einhverja sérstaka nautn af því þannig séð) Málið er að pabbi var að fara í eitthvað stadista dæmi vegna auglýsingar með karlakórnum sínum og bað mig að koma með. Ég ætlaði ekki að nenna því en stundum gerir maður svona hluti með familýjunni. Það kom mér því á óvart þegar ég mætti í eldhúsið að pabbi var stunginn af. Ein af ástæðunum var að ég átti að vera hálftíma fyrr á ferðinni og hin var að foreldrarnir áttuðu sig á því að það var dresscode og ég er ekki maður sem veð í jakkafötum svo það gekk ekki upp. Ég nennti ekki að skríða aftur á koddann svo það var bara kaffi og rólegheit þangað til systir mín mætti með öll 4 börnin til að fara með múttu í eitthvað kirkjudæmi. Svo var kíkt á námsefni, svo komu allir aftur og ég passaði skarann meðan fólkið skrapp og svo var stungið af í ræktina. Nú sit ég á amokka og bíð eftir bekkjarfélögum til að leysa verkefni sem á að skila eftir helgi.
Það kom félögum mínum jafn mikið og mér sjálfum að heyra mig segja að þetta væri bjórlaus helgi. Svo segja má að þetta sé tímamóta helgi á ýmsann hátt. Enginn bjór og vakna snemma. Þetta hljóta að vera skýr ellimerki. Svo ekki sé talað um að maður hafi líka farið og sprikklað. Ég ætla ekki að fara fögrum orðum um heilsuátak mitt þar sem ég er að sötra latte og reykja vindil svo ég held þessu í jafnvægi.

Gaurarnir eru mættir svo ég kveð í bili.

Hnattberið út.

Páskaprófablogg

Það er ekki að ég nenni ekki að blogga. Ég bara hef ekki enn komist upp á lagið með að stunda það þar sem ég fæ mig ekki alveg til að vera stöðugt að segja frá öllu sem ég er að gera. Einkum þar sem ég geri sjaldan eitthvað sem ég held að fólk nenni að lesa um.
Mér datt reyndar eitt í hug sem gerðist þegar ég var í USA ´98 að flögra inn tímum. Eva var að segja frá umsátri sem átti sér stað í Barþelona um daginn sem mynnti mig á þetta.
Alla vega: Þegar ég var þarna úti hafði ég það fyrir reglu að setjast úti í garði á kvöldin og fá mér einn öl áður en ég fór á koddann og aðeins að ná flugvagginu úr skrokknum (þá var í lagi að drekka einn lítinn daginn fyrir flug). Eitt kvöldið í algerri kyrrð birjuðu brjáluð læti í húsinu hinum megin við götuna og um leið og kveikt var á kösturum var öskrað í eitthvað kerfi;" put your wepon down, and put your hands behind your back". Ég náttla hálf gleypti flöskuna og fór að hlusta. Viðkomandi gerði greinilega ekki það sem honum var sagt og lætin héldu áfram. Svona mínútu síðar flaug þyrla 4 metrum yfir hausinn á mér með kastarana á og stöðvaði yfir næsta húsi. (ég var í garðinum og sá þetta ekki alveg en heyrði vel) Ég átti von á á hverri stundu að það kæmi fullvopnaður gaur hlaupandi að mér þegar allt í einu að allt féll í dúnal0gn og lætin stoppuðu. Svo var ekki söguna meir. Púlsinn kom niður einhverjum klukkutíma síðar og ég var einni sögu ríkari. Svona var LA ´98.

Að öðru. Nú eru páskarnir gengnir í garð og stórhátið hjá kirkjunnar fólki. Ég er ekki einn af kirkjunnar fólki svo ég er í raun ekki að missa af neinu þar sem ég er í miðjum vorprófum. Mér til mikillar ánægju er ég nú þegar með vissu fyrir að hafa náð fyrsta prófinu. Mér til mikillar óánægju veit ég ekki með restina. Ég meira að segja er alls ekki viss um hver niðurstaðan verður. Það kæmi til með að pissa mig mikið af ef ég þar að taka endurtekningu í lok maí. Svo er annað... ég er ekki kominn með vinnu í sumar sem er algerlega mér að kenna. Kanínes er búinn að reyna að hjálpa mér en ég, aulin sem ég er, hef ekki nýtt mér það ennþá. Það gæti þýtt að ég fæ kanski ekki tækifæri til að burra á trukkavörubílagræjum með 4o feta gáma í eftirdragi í sumar. Ég verð líka að viðurkenna að ég stressast pínu við tilhugsunina þar sem ég er ekki vanur að keyra stóra bíla með kerru. Stóra bíla já, en ekki með dót í eftirdragi. Það var jú drulluvagn nokkrumsinnum hér einusinni en það er langt síðan og ég man að ég var mjög var um mig á meðan. Svo er líka langt síðan ég burraði stórum bíl síðast.

Nú er nóg í bili og ég ætla að spjalla við mentafólk í útlöndum.

Starfskraftur óskast....

Það er of mikið að gera og ég nenni ekki neinu af því. Það eitt að vakna í skólann er að verða of mikið fyrir mig. Skólaleiðinn er að drepa mig og ég kann lítið meira en á síðustu önn sem er slæmt þar sem lokaprófin á þessari eru eftir mánuð. Farinn að standa mig að því að mæta ekki í tíma og vakna ekki á morgnana í þeirri von um að allt reddist. Þetta er að vísu í anda þess sem ég lofaði mér þegar ég tók þá ákvörðun að slaka aðeins á þessa önnina. Bara er held ég að taka þetta of langt. Mætti ekki tvo heila daga í þessari viku og ekki búinn að skoða stærðfræði í nærri tvær vikur. Gefur frasanum að frussa upp á mitt bak nýja merkingu. Það er komin viðvarandi skýtafíla af hnakkanum á mér. Kanski að sturta og klypping dugi?....
Sem kemur að öðru. Ég fór annars í klyppingu um daginn og það var greinilega ekki vön gella sem sá um hárið þann daginn. Hún tók sér sinn tíma og stutt í hliðum var 2 cm. Eftir nokkrar yfirferðir var ég við það að verða sáttur og hún fór að tala um hversu gott það væri að kúnninn léti vel í ljós hvað hann vildi. Jú ég fékk loks stuttar hliðar og hnakka með sæmilegu jafnvægi og sá að hún var alveg að gera sitt besta. Góð þjónusta. En þegar á leið sá ég að það að vera ekki með fagmanneskju þýddi að maður fékk bara það sem maður bað um án nokkurs stíls sem maður er vanur. Núna er ég með það sem ég kalla "kjánaklyppingu" þar sem ég fékk allt sem ég vildi, stutt í hliðum og ekki niður á eyru, stuttann hnakka án þess að vera rakaður og meira ofaná með ekki of síðan topp. Þessi lýsing á eflaust vel við marga þar sem þetta er held ég normal klypping. Samt einhvernvegin passar þetta ekki á hausinn á mér. Ég er eins og eylífðarnörd sem klyppir sig sjálfur. Það besta er að þetta er næstum satt... Ég var nefnilega búinn að klyppa mig sjálfur í 2 mánuði þar á undann með síða lokka, krullaður eins og rolla með stuttar hliðar sem skeggsnirtirinn minn sá um og ekki síst upp krlullaðann hnakka sem leit eingan veginn út eins og sítt að aftan á að vera (sem síðasta klypping sneri svolítið um. Já hlæjið bara ég með sítt að aftan, bara gengur ekki þar sem ég fæ rolluhár sem bara stækkar en síkkar ekki).

Nú er fókið mitt komið frá utlöndum með roð í kynnum og brúna vanga sem segir bara að mitt frí er líka á enda. Það er nefnilega einhvernveginn þannig að ég kann best við mig einn í heilu húsi. Sem svo segir líka að ég verð ekki sáttur fyrr en ég kemst í eigið húsnæði. Það vantar klárlega að ég fái 300 fm. húsnæði gefins með pool herbergi, stúdioi, risa eldhúsi og fullum bílskúr af bílum og mótorhjólum. Tel bara mannréttindi að þetta sé úthlutað með námslánum. Allavega til mín. Bara basic nauðsinjar. Ekkert fúll ef það væri kona með í pakkanum en vildi samt ekki láta ríkisstofnun velja hana fyrir mig. Bara einhverja ríkis gellu.
Hvernig væri ríkis gellan? Líklega bara mjög praktísk. Liti allt í lagi út, ekki dýr í rekstri, ekki í litríkum fötum, talaði ekki um málefni sem eru hita mál, í meðal hæð og þyngd, gæti eignast 1,5 barn (sem er krípí), hefði engann áhuga á peningum, klæddi sig aldrei sexý, hlustaði eingöngu á gufuna, með matinn til klukkann 19:00 á hverjum degi, færi að sofa fyrir 23:00 og væri til í kynlíf 2.3 sinnum í viku (sem er líklega meira en ríkið er til í að viðurkenna) ... o.s.f.r.v... Drauma gellan ekki satt? Tekin beint úr bíó frá 1960. Og líklega yrði ríkisgaurinn jafn leiðinlegur. Bara í gráu, svörtu og með hatt.

Svo skulum við ekki gleima því hversu heimurinn fer ört batnandi... Davíð hættur að bæði ljúga og stela, nú bara stelur hann þegjandi í seðlabankanum (treysti honum álíka vel og rottu í ostabúðinni, mink í hænsnakofa, Jóni Baldvin í ríkinu, hákarli í sundlaug, pabba með rafmagnstæki eða mér fyrir opnum bjór). Gaman að því hvernig hann sagði aldrei neitt af viti. Lagði fram eitthvað sem hann langaði í og gerði svo grín að öllum sem voru ekki sammála. Sönnun þess hversu sterkur hláturinn er. Náði að laga hitt og þetta en tók svo í sinn hlut meira en Bónusfeðgar dreymir um í umbun. Setti bara lög sem hentuðu honum. Sjálfstæðis menn sameinist... allir undir einu flaggi í fötum frá Sævari Karli og sýnum litla manninum að velmegnunin leifi jafnvel litlamanninum að eignast lopapeysu.
Kanski er sjálfstæðisflokkurinn málið. Bara það að þeir líta allir út fyrir mér eins og vondi kallin í James Bond. Með aðeins of sítt hár, í of kúl fötum, nýjasta týska, glottandi af sigurvissu sinni, metnaðurinn uppmálaður, lofandi betri heimi með óskiljanlegu tæknitali og Hollywood glotti. Ég perlónulega treysti næstu hvaða manni sem ég sé á almannafæri í föðurlandinu einum fata betur. Að hlusta á sjálfstæðis mann tala er eins og að hlusta á Viagra sölumann selja tólfbarna faðir töfralausn. Sandsölumann í Sahara. Góður sjalfstæðismaður gæti selt ís á suðuskautinu án bragðefna.
Ég held að við ættum að ráða sjálfstæðismenn í öll sendiráð þar sem þeir geta publiserað land og þjóð. Miðað við hversu marga þeir sannfæra hér á landi er ekki hægt að fá betri umboðsaðila erlendis til að kynna okkur og okkar vörur. Ef ég ætti fyrirtæki sem væri að koma vöru á framfæri kæmi ekki annað til greina en að ráða sjálfstæðismann. Ég gæti flutt inn flatann Pilsner frá Ubruknitistinanuman og fengið sjálfstæðismanninn til að koma honum í verð fyrir mig hér sem hágæða koníaki. Þó ekki væri nema til þeirra sem kjósa þá alltaf blynt eða kjósa þá í erfðir. Mér dettur í hug Ítalskur fótbolti þegar ég hugsa um þetta... Flottir gaurar sem fá endalausar aukaspirnur vegna leikrænna hæfileika. Hefur ekkert með leikinn að gera en það er allt gert til að ná árangri.

En nóg í bili þar sem ég hef ekki gaman af pólitík og spái bara hreinlega ekkert í svoleiðis hlutum...

Erfitt að koma blogginum af stað

Ég er í skrif ham....
Helgin hófst á föstudag eins og venjulega nema að núna var það vísindaferð. Marel. Skoðuðum verksmiðjuna sem er verulega kúl og fengum okkur svo smá öl. Þeir skömmtuðu smátt svo það voru allir í góðu formi þegar við fórum í lögreglusalinn til að drekka meira. Þar var vesen með að koma okkur inn á þeim forsendum sem áður var lofað sem var einkum vegna þess að útskriftar deild viðskipta deildar HR sem stóð að partýinu vildi rukka inn. Heimska lið. Þessvegna vildi enginn koma asnar. Við fórum inn fyrir rest og fengum okkar öl. Tómur salur þar til í endann, sem var um miðnætti að einhver mætti, og við fórum í partý í næstu götu hjá félaga í árgangi á undann. VT4.(við erum VT2) Allavega var það fínt. Þar var stofnuð skólahljómsveit sem á eftir að fá húsnæði og formlega meðlimi. Þegar ég hélt að klukkan væri um 4 fór ég heim í strætó og var kominn heim rúmlega 12. Fékk mér einn vískí og fór að sofa. Var hissa á að vera orðinn hress á hádegi og hóf undirbúninga á veislu sem var lofuð á þessum degi.

Ég bjó til geggjaða marineringu fyrir lamba fyle, fyllti gryllkartöflur með smöri og sallti sem virkaði vel( ætla ekki í nánar skýringar), ristaði grænmeti, bjó til sallat og mallaði geggjaða sósu. Sósan klikkaði á síðustu stundu þar sem ég gleymdi að taka lokið af og þurfti að setja hveiti til að þykkja. Góð en ljót sósa. Eyðilagði þetta fyrir mér.

Félagsskapurinn bjargaði málunum. Björg og Ragnheiður systir hennar voru stórskemmtilegar og virtust kunna að meta matinn. Átum meira en rúmlega einn skammt á mann. Ísterta í desert með osti og melonu.

Svo kom Elke hans Hannesar og spilaði með okkur Scotland Yard fram á nótt. Gott kvöld það. Ég á eftir að segja frá monu og því að hún fer að fara....

Verst að ég á eftir að standa við loforðið við Dísu með allt þetta rauðvín og kaffi....

Berið út....Dísa næst...

Stóra klukkið...

7 af öllu klukkið

7 Hlutir sem ég ætla að gera áður en ég dey:
1)Spila meira á trommur
2)Vinna sem flugmaður
3)Eignast geðveikt mótorhjól
4)Eignast poolborð
5)Skoða heiminn
6)Ná í konu
7)Eiga fyrir reikningum

7 Hlutir sem ég get gert:
1)Drukkið mikinn bjór
2)Eignast vinkonur (mín bölvun á sinn hátt)
3)Eldað góðann mat
4)Verið kaldhæðinn
5)Flogið flugvélum
6)Lagað bíla
7)Legið í leti

7 Hlutir sem ég get alls ekki: (stafsetning meðtalin)
1)Haldið í kvennmann
2)Sett fæturna aftur fyrir hnakka
3)Skilið stærðfræði
4)Gert hluti tímanlega
5)Skilið hvernig gýrkassar virka
6)Farið snemma að sofa
7)Vaknað snemma

7 Frægir sem heilla:
1)John Travolta - Kúl gaur og á flottar flugvélar
2)Chad Smith - Topp trommuleikari í RHCP
3)Gwen Stefani- Kúl persóna og uber flott
4)Marisa Tomei- Fer lítið fyrir þessari gellu( get ekki talið upp allt kvennfólkið)
5)Óli Hólm- Negldasti Trommari Íslands
6)Wright bræður- Sama hvor er
7)Ég- Á bara eftir að gerast

7 Hlutir sem heilla mig við aðrar manneskjur:
1)Brosmildi-Klikkar ekki
2)Áhugasemi- á því sem ég er að segja
3)Heilsa- Fíla heilbrigt folk
4)Kvennkyn- Heillar mig stöðugt
5)Rass/Brjóst- Verður að koma fram
6)Stollt

7)Góður húmor-Nauðsinlegur
7 Setningar sem ég nota mikið:
1)Any how
2)Blitzen
3)Heisjan
4)Láttiggi´sonna
5)Ég held..
6)Sheiser..
7)Heyrðiskan..

7 Hlutir sem ég sé
1)Lapparinn minn
2)Sjónvarpið hans pabba
3)Íslensk Orðabók Fyriri Skóla og Skrifstofur
4)Málverk eftir Dieter Roth
5)Málverk eftir Eirík Smith
6)Scrabble
7)Öskubakka

7 Sem ég ætla ad klukka
1)Dísa Lareau
2)Hjalti
3)Erna
4)Mona frænka
5)Björg
6)Borgar
7)Gulli Briem

Partý...

Jæja komið að því að ég segi hvernig parýið fór...

Það var gaman. Við vorum fáir sem mættum en allir þeir sem ég átti von á.

Ég, Jón, Jón, Egill, Halli og Grettir. Auðvitað vorum við gömlumennirnir við gryllið, ég og Jónsi, sem lukkaðist vel þar sem ég sótti ljóshundinn hanns pabba úr skúrnum til að upplýsa gryllið. Á meðan slökuðu hinir á með Discovery vélaþáttum á. Lundir, læri og streikur mölluðu flott og runnu í liðið sem fékk snakk, gulrætur og vínber í forrétt. Svo var drukkið og talað við "vinabekkinnn" BT. Við fórum svo að hitta þá en ekki fyrr en við höfðum smakkað á John´s special Mojitos. Það samanstóð í fyrstu af 3 klökum, 3 laufum af myntu,lime og fylla með gini. Ég komst í tæka tíð að málinu svo ég malaði klakann, lég kreysta limið og fann rétta glasastærð. Það bætti málið lítið nema að drykkurinn var vel góður á bragðið. Drakk einn slíkann ofan á tæplega hálfa rauðvínsflösku og nokkra bjóra. Þeir sem þekkja mig vita að ég á ekki að drekka sterkt. Við fórum svo í Partý neðar í hverfinu, ásamt því að snúa við og sækja gítarstrengi, stingandi hina fótgangandi af, og hafandi gaman, allt var gott. Nema að um 20 mín eftir að við mættum nennti ég ekki meir. Fannst ég drukkinn og langaði ekki meir. Stakk af og labbaði heim sem gerði mér gott. Ætlaði að blogga þegar heim kæmi um hvað veldur kvennleysi mínu. Sem betur fer var ég enn að skrifa uppkast þegar strákarnir létu bíl sækja mig til að fara niður í Mjódd á Strætóbar að jamma meira. Þá var ég orðinn sæmilegur svo þegar ég kom var kaldur á borðinu og skellihlæjandi gaurar þar sem ígyldi versta trúbators heimsinns var að fara á kostum á KORG hlómborðinu sínu(KORG er fyrir þá bestu og þessi var á hinum endanum) og skemmti gríðarlega. Við drukkum og hlógum og reyndum að fá lausa menn til að reyna við lausar á barnum. Fundum eina fallega og gerðum árás. Virkaði ekki vel. Rúmlega tvítug og gullfalleg gella neitaði gaurunum að koma og spjalla. Hvað var til ráða? Jú... Gamla Doddabragðið. Senda mig til að sækja gelluna og sjá svo til. Veit ekki af hverju þetta er svo auðvellt, maður fer og talar, segir eitthvað sniðugt og nær svo í gelluna ( á borðið) , sem ég gerði. Klikkar sjaldan. Við vorum með henni það sem eftir lifði og hún ætlar að verða flugmaður þar sem mamma hennar er flugfreyja og pabbinn er flugstjóri. Reyndi að fá hana í nám. Vonandi meira man. Líklega var hún ekki smeik þar sem ég sannfærði hana um að ég væri rammm fastur sjálfur.
Allavega var gaman... Svo fóru allir sáttir heim og eftir gleði dagsinns beið bara ógleði næsta dags.....

Hvað sagði músin við vegginn?

Loks komið að því að bekkurinn geri eitthvað. Á morgun, föstudag, ættlum við bekkjarfélagarnir að fá okkur nokkra öl og chilla með grilli og sumarstemmningu. Við höfum aldrei hist utan skólans nema í nokkrir í einu í einhverjum vísindaferðum en ákváðum að nú væri kominn tími til. Farnir að þekkja hvern annann nokkuð vel eftir eina og 1/3 önn, munandi nöfnin hver á öðrum og sonna. Það er furðulegt að vera í bekk með eintómum karlmönnum. Það fer gríðarlegur tími í áhugamála tal þar sem það má bæði tala um konur og tæki endalaust án þess að nokkrum leiðist það. Meira að segja ef einhver á fremsta bekk skoðar x-rated síður á netinu og allir fyrir aftan sjá það skiptir það ekki máli. Hinir bara njóta þess með honum. Þetta hefur vissulega ákveðna galla þar sem enginn reynir að vera dannaður. Mestu pinnarnir halda sér á mottunni, nokkurnveginn, en hinir sleppa sér alveg. Það líða ekki 5 mín. án farts og ákveðnir menn alveg ófeimnir við að dreifa vel úr ruslinu sínu og matarleyfum, öðrum til ama. En þar sem engar stelpur eru á svæðinu er þeim alveg sama því það er ekki fyrir neina að sýnast vera annað en sóði. Líklega er ég mesti röflarinn yfir rusli í stofunni og hinir sem vilja grunn snyrtimennsku láta mér röflið eftir. Hef hlustað á sjálfann mig röfla og ég hljóma eins og níræð alheimsmamma að ala upp óheflaðann manndóminn. Þeir sem til þekkja skilja þetta væntanlega ekki þar sem flestir þeirra hafa komið heim til mín og það er ekki til fyrirmyndar. En það gildir annað með það sem ég kalla vinnuaðstöðu, þar á að vera snyrtilegt. Prófaði reyndar að hætta röfli í smá tíma en þá tóku bara aðrir við við að reka þessa fáu til að taka til.
Það er líka gaman að sjá muninn á mönnum þar sem það eru 13 eða 14 ár á milli elsta og yngsta manns. Helsti munurinn felst í magni bjórs sem þeir drekka, annars tæki maður ekki eftir þessu og það er alltaf gaman að fylgjast með bjórdrykku ef maður má vera með. Sannar að strákar hætta aldrei að vera strákar. Bílar, mótorhjól, jeppar, mótorar, byssur, konur og síðast en ekki síst flug. Já ég má tala um flug þarna. Þetta segir mér að það er til fólk utan flugsins sem nennir að tala um það. Verst að það skulu ekki vera aðrir vinir og kunningjar sem yfirleitt hverfa fljótlega eftir að ég reyni að ræða slík mál (auðvitað að sænska læchninum undanskildum en hann er bara upptekinn við að verða sænskur læchnir þessa daganna).
Allavega bjór gryll og gauragangur eftir skóla á morgun. Hvernig getur það klikkað? Sjáum til, það er einn sem verður alltaf að slást aðeins, einn sem er líklegur til að vera nokkuð mikið glaður, einn edrú, og flestir líklegir til að verða ölvaðir. En allir helvíti fínir gaurar. Samt sem áður... engar stelpur. Það er ekki partý eins og maður er vanur og ég hlakka til að sjá hvort menn haga sér öðruvísi án þeirra á jamminu. Hef fengið nasaþef af því og það endaði með blóðnasir, bólgnu andliti og glóðarauga. Bara að það brotni ekkert.

Segi fréttir af þessu

Lífið er ekki svo slæmt...

Ég er ekki bjartsýnn maður að eðlisfari, allavega ekki nema í mestalagi 3-4 daga í viku. Eftir að hafa fengið 7,5 í hreyfiaflfræði getur greinilega allt gerst svo ég ætla að reyna að bæta allavega einum degi til viðbótar við í hverri viku. Undanfarið hefur fátt annað en skólinn ráðið ferðinni og það er kanski ekki svo slæmt. Á síðustu önn lét ég skólann algerlega stjórna öllu sem ég gerði og sleppti því nærri að njóta lífsins. Ég játa mistök mín þar sem það er versta önn skólasögu minnar með 3 endurtekningarpróf. Ég var ekki með neitt áramótaheit en tók samt ákvörðun um að slappa betur af og taka hlutina ekki jafn alvarlega þar sem það þreytir og gerir mann hreynlega að kjána. Þessa önnina hef ég skemmt mér meira en alla síðustu og það er bara kominn rúmlega mánuður. Það er að virka. Hitti fleira fólk og meira að segja veðrið er betra. Hvort sem það er orsök eða afleiðing. Það er allavega skemmtilegra að vera til. Síðasta ár endaði illa og þetta ár heftst vel. Vonandi verður þetta mitt ár og ef lukkan helst mín megin fæ ég vinnu við flögrið. Ég reyndar fékk nei svar frá flugfélagi íslands í gær en ætla ekki að láta það skemma skap mitt. Það má líka við þetta bæta að littla stóra frænka er á landinu sem gleður mig stöðugt og léttir mitt skap. Hún einmitt var líka að skora vel í prófi sem kemur henni áfram á hennar framabraut. Gangi þér vel frænka.
Nú er ég líka farinn að vinna meira á kaffihúsinu aftur sem er tilbreyting frá eintómu skólastússi. Ég skal fúslega viðurkenna að ég er með massívann skólaleiða og er ekki að nenna að sinna þessu. Eftir nánast 25 ár á skólabekk er það vonandi skiljanlegt.
Ferillinn:

6 ára í skóla.
16 í menntó
19 meirapróf með menntó
20 Iðnskólinn í hönnun með vinnu í múrverki
20-21 einkaflugmaður og atvinnubýlsjtóri
21 atvinnuflugmannsnám
23 atvinnuflugmaður
23 Flugkennari+Atvinnubýlstjóri í frammhaldsnámi í flugi
28 Atvinnuflugmaður og flugkennari í frumgreinadeild að háskólanámi
30 Stúdent í annað sinn og nú sem tæknistúdent sem bætist við tungumálastúdent
31 Atvinnulaus flugmaður, flugkennari og háskólastúdent með óraðna framtíð

skólinn er bara besti staðurinn til að vera á. Það er ótrúlegt hvað maður kemst að því hversu vitlaus maður er þegar maður fer að læra. Sem er ekki svo slæmt. Það er betra að vita hversu lítið maður veit en að telja sig vita allt. Ég hefði aldrei áttað mig á því að ég get lært stærðfræði nema með því að henda mér í djúpulaugina og skrá mig í háskóla. Ég meira að segja fór á tungumálabraut í menntó vegna þess að ég taldi mig snauðann af raungreinagenum. Er ekki skarpasti stærðfræðimaurinn í deildinni en tel mig ekki lengur þann allra slappasta. Þó eru vísbendingar þess eðlis að ég sé bara á mörkunum þar sem ég féll í 3 fögum. Var reyndar í öðrum prófum á sama tíma og er lengi að átta mig á þessu öllu þar sem grunnurinn er enginn. Nýtt motto er að gefast aldrei upp.

Breytingar

Búinn að laga nokkra linka sem enginn var að blogga neitt á eða voru bilaðir. Og auðvitað bætti ég inn gríðarlega mikilvægum link á síðuna hennar Evu. Jibbí og húrra.

Aðrar breytingar eru fáar. Engar sögur og allt við það sama. Ég væri til í að læra að diffra og tegra ef einhver þarna úti kann skindilausnir við þessu. Helst í þrívídd og með amk. 2 skiptibreytum. Þetta er bara eithvað sem ég er ekki að koma í hausinn á mér. Og aflfræðin er að drepa mig fyrir vikið.

Hvað gerist næst?

Jólin liðin og nýtt ár að hefjast. Þetta voru ágæt jól þó þetta hafi verið lítið frí. Ég kláraði endurtekningaprófin á föstudag og fór í pool með bekkjarfélaga mínum til að fagna. Þetta var eiginlega áramóta jammið mitt þar sem ég var að læra bæði á gamlársdag og nýársdag. Það borgar sig ekki að vera að taka próf á mörgum stöðum í einu.
Á aðfangadag gaf ég mömmu frí frá eldamennsku og sá í fyrsta skiptið alfarið um matinn. Eldaði eðal nautasteik með alvöru sósu og bökuðum kartöflum. Sósan var málið. Notaði Hreindýra soð í grunninn og lagaði með góðum kryddum og öðru sem sem ekki tekur að telja upp. Þetta var gaman.
Annars endaði árið ekki vel hjá mér með endurtekningaprófum og falli á inntökuprófi hjá Flugleiðum. Nýja árið hófst betur með prófum sem gengu betur og mun betra inntökuprófi hjá Flugfélagi Íslands. Nú er bara að bíða og sjá.

Jólapróf

Nú eru jólin svona við það að renna sitt skeið og vambirnar við það að verða fyrir árásum áramótaheitanna um nýjann og betri lífsstíl. Þetta er allt búið að vera hið notalegasta með áti og gjafabröllti þrátt fyrir skuggann sem vofir yfir mér. Ég nefnilega klúðraði prófunum gersamlega. Það er hægt að benda á ýmsar skýringar mér til stuðnings og sú vinsælasta er að ég var í inntökuprófum hjá Flugleiðum á sama tíma. Meira að segja á sömu dögunum. En það þýðir ekkert að væla yfir því. Þetta eru 2 próf sem ég átti ekki von á að ná en nú er öldin önnur. Fékk nefnilega þær fréttir í dag að ég þarf líka að fara í próf í forritun. Og það er fúllt. Fékk 4.5 en þurfti 5. Alger bömmer. Þetta þýðir jafnfframt að ég er að fara í 3 próf á 4 dögum. 2 af þeim sama daginn. Ekkert sérstaklega kátur núna. En það kemur dagur eftir þennan dag (er að reyna að vera bjartsýnn).
Áramótin koma svo á morgun á slaginu 00:00´01´´. Einni sekúndu seinna en venjulega og þjóðin hellir í sig áfengi seg dugir til að sótthreynsa heila heimsálfu. Litli saklausi snáðinn ég ætla aftur á móti að vera rólegur og sötra rautt með múttu og pa til að hafa þrek í próflestur. Þetta er alltaf jafn gaman. Þrusa upp nokkrum rakettum með pabba eins og í gamladaga (nema nú líður mér eins og pabba leið þá, hafandi auga með gamlamanninum). Svo verður kanski eithvað heilsað uppá nokkra félaga og vonandi að maður nái að heylsa loks uppá Ítalíufólkið sem er á skerinu þessa daganna.

Hvað er það annars að við erum ekki búin að hittast? Þetta er náttla alger hneisa. Við erum til skammar.

Allavega er núna kominn tími til að hella sér í stærðfræði í tvo tíma fyrir háttinn.

DumBer kveður að sinni.

Topp 10 (ekki endilega í réttri röð)

10 mjög fallegar konur sem ég hitti ekki reglulega.

Gwen Stefani
Cate Blanchett
Kate Winslet
Angelina Joly
Nataly Portman
Lindsey Lohan
Salma Hayek
Marisa Tomei
Halle Berry
Drew Barrimore
Winona Rider
Jennifer Tilly

Ég áskil mér rétt til að breita listanum fyrirvaralaust að eigin hentisemi, bæta á hann, taka af honum og stafa nöfnin kolvitlaust. Og í raun stafa hvað sem er vitlaust á þessari síðu.

(Ég var spurður svo ég ákvað bara að setja listann hér...)

Klukkaður

Ég gleymdi þessu í svolítinn tíma en ég verð að svara klukkinu. Þetta eru sömu svör og ég gaf þegar ég var klukkaður síðast en er það ekki pointið... klukk skal vera klukk.


Ok...
1. Ég kúgast geðveikt mikið þegar ég sé fólk naga hluti, gamla
kóktappa, pennalok og þessháttar. Verst af öllu eru rör. Fólk að drekka sama slefdropann aftur og aftur.

2. Ég er sannfærður um að fólk sem vill flugvöllinn úr Reykjavík er
illa gefið, a.m.k illa upplýst.

3. Mér líður vel í hreynu umhverfi og reyni að halda vinnuumhverfi mínu
hreinu en íbúðin mín er full af drasli og alls ekki mjög hrein.

4. Ég er rosalega slæmur í stafsetningu

5. Ég er stöðugt með óþarfa áhyggjur og króníska vöðvabólgu.

Það væri ekkert mál að bæta við þennan lista en látum það vera í bili...

Langt síðan síðast

Sumarið á enda og haustið komið kalt og fagurt... aðallega kalt samt.
Það er bömmer að sumarið skuli ekki vera lengra. Mánuðirnir mættu vera lengri yfir sumarið en nú þegar skólinn er kominn á fullt mættu vikurnar vera lengri í hverjum mánuði. Sem svo kemur aftur niður á sama stað.
Ég var að koma heim úr aukatíma í stærðfræði sem er eiginlega í firsta sinn sem ég læri einhverja stærðfæði í vetur. Kennarinn sem sér um þetta í skólanum er eginlega ekki kennari. Hann er bara góður í stærðfræði. Þetta er allt svo augljóst að það tekur því ekki að kenna það. Hann stendur við töfluna og talar á einhverju tungumáli sem enginn hefur heyrt. Það er með ólíkindum hvað hann kemst yfir mikið efni í hverjum tíma. Verst að enginn veit hvaða efni það er. Samt ekki ólíklegt að tengist stærðfræði á einhvern hátt. En þar sem við kunnum ekki þessa stærðfræði og skiljum ekki tungumálið sem hann kennir hana á. Ég held að sé samt eitthvað form íslensku. Í dæmatímum neitar hann að nota töfluna og það er enginn æstur í að fá hann til að útskýra málið í nálægð. Rotnandi tennur lykta ekki vel. Það væri og gaman að sýna mynd af honum en ég ætla að reyna að lýsa honum.
"S". Svoleiðis í laginu. Horaður með framstæðann haus. Næstum því með krippu fyrir vikið. Svo gengur hann með rassinn begðann inn og svolítið boginn í hnjánum. Hann er með þunnt hár og krullur og krinlótt gleraugu á allt of litlu andliti. Skrækróma og nefmæltur með kolsvartar tennur. Svo er gaman að sjá að hann er stöðugt með svip á andlitinu eins og hann sér hissa á öllu sem hann sér en nákvæmlega sama um það. Af því hversu lítill og horaður hann er bjargar það öllu að hann er alltaf í stórum gögnuskóm. Firir vikið held ég að hann geti ekki dottið eða fokið í vindi. Skórnir halda honum alltaf á fótunum eins og barnaleikfangi með lóði í botninum. En hann er rosa góður í stærðfræði. Hann bara virðist ekki ætla að miðla því til okkar. Hann skrifaði samt kennslubókina og vitnar stöðugt í hana. Hún er bara á sama tungumáli og hann er að reyna að kenna á.

Annars er lífið við það sama. Áskorun á aðra sem búa í heitara umhverfi að kanski blogga smá.

Verslunarmannahelgin...

Maður á að vera fullur þessa helgi. Ég er ekki nógu sannur Íslendingur hvað það varðar. Jabb ég drakk helling en ekki allt í einu. Ákvað að vera með famylíunni þessa helgi. Er aftur á móti helhálfur núna einn heima að sötra rautt og bjór að spjalla við vini á MSN.

123...

Það mætti ætla að sumarið væri bara meira en hálfnað. Það er rökkur úti og verslunarmannahelgin þar næstu helgi. Þrátt fyrir magurt sumar er þetta hvað atvinnu varðar skemmtilegasta sumar í langan tíma. Búinn að vera niðri á flugvelli á hverjum degi að gera það sem mér þykir skemtilegast. Flögra. Ég er búinn að vera í loftinu í tæpa 6 klst. í dag í roki og heimurinn ruggar í kringum mig núna... ég er ekkert að spauga með þetta það er allt á flegi ferð. Er hægt að fá flugriðu??? Ég er líka algerlega uppgefinn. Langt síðan ég var svona alveg búinn á því síðast.

Uppkast að grein

Það er búið að ljúga svo rosalega að fólki hvað varðar flugvöllinn að ég er að hugsa um að skrifa grein í Moggann. Þetta er allra fyrsta uppkast svo það er bannað að ráðast á stafsetningu. Ég á líka eftir að fá fleira fólk til að skoða og bæta við.

Lestir Íslands.

Í allflestum stórborgum hins vestræna heims býr fólk við góðar lestarsamgöngur. Þannig kemst fólk á milli borga og landshluta án mikillar fyrirhafnar. Við Íslendingar njótum þess ekki að hafa lestir til að ferðast með en í staðin höfum við flugið. Við getum komist nánast hvert á land sem er með lítilli fyrirhöfn og á skömmum tíma vegna góðra flugsamgangna hér á landi og til að toppa þetta svo alveg erum við með flugvöll nálægt öllum helstu ríkisstofnununum í Reykjavík.

Reykjavíkurflugvöllur hefur verið mikið í umræðunni undanfarið og mikið talað um að hann verði að fara. Þeir sem þetta segja eru þó í minnihluta. Flestir telja völlinn vel staðsettan þar sem hann er. Kostnaður við að færa völlinn er gríðarlegur og það að ætla að byggja annan enn dýrara. Lóðasala á svæðinu nær ekki broti af þeim kostnaði til baka að ótöldum samgöngumannvirkjunum sem þyrftu að rísa. Af hverju ættum við að rífa völlinn á þeim rökum að aðrar þjóðir vilji ekki völl í borgum sínum þegar það eru augljósar lygar. Nærtækasta dæmið er í London, þar sem London City völlurinn var byggður inni í miðri borg til að koma á móts við neytendur. New York er með 3 velli í og við borgina. Aðflugið að Kastrup liggur beint yfir úthverfi kaupmannahafnar og þetta eru allt stórir flugvellir hugsaðri fyrir stórar vélar. Málið er að aðrar þjóðir öfunda okkur af þessari gersemi sem völlurinn er. Svæðið sem völlurinn tekur er ekki nema brot af því svæði sem aðrar borgir fórna undir lestarsamgöngur sínar og þar sem við höfum ekki upp á lestar að bjóða er þetta góð lausn. Það er hægt að velta því fyrir sér hver viðbrögðin væru ef Kaupmannahafnarbúum væri sagt að þeir þurfti að ferðast 45 mín með rútu til að komast í lestirnar.

Sjúkraflugið er svo eitt sem má ekki gleyma. Erum við í stakk búin til að hætta að flytja fársjúkt og slasað fólk á fullkomnustu sjúkrahúsin í landinu? Ætlum við að líta á þetta sem fórnarkostnað?

Það má ekki gleyma því að samkvæmt rannsóknum sem gerðar voru fyrir nokkrum árum er hagnaður af vellinum allt að 16 milljarðar á ári. Loftið í Reykjavík er hvergi hreinna, þar sem mengunin á vellinum kemur að mestu leiti frá bílaumferð umhverfis flugvöllinn og hávaðamengunin á svæðinu er að mestu frá Hringbrautinni. Einnig má taka fram að þessar niðurstöður fengust allar áður en tekist var til við að beina flugumferð þannig að hún liggi að mestu frá þeirri byggð sem næst vellinum er.

Það eru einstaklingar hér á landi sem eru til í að leggja allt í það að losna við völlinn og þá helst með þeim rökum að þeim einfaldlega finnst að völlurinn ætti að fara. Af því bara! Þeir vilja háhýsi í landi okkar lágu sólar svo skuggarnir taki örugglega völdin í hinni fallegu Vatnsmýri. Þeir ætla að græða peninga á lóðasölu en horfa framhjá að innkoma af flugvellinum á hverju ári er meiri en gróðinn sem kemur inn við það að selja landið.